Vendaog zien de nuiste mèr ouch de lèste 2 albums met foto's vaan de Vastelaovend 2012 on-line gezat. Daor zitte weer hiel sjoene bij. Allein nog de foto's mèt Han I zien nog neet oontvaange. Höb de Kretser vaan de Tempeleers wel verzeuk um die aon us tow te sjikke.
Dinsdag 21 fibberwarie 2012
Nog veur dat 't Mooswief de grond met häör puu geraak heet, stoon alle foto's vaan Vastelaovend op de site. Iech hoort dat eine vaan eus mörgevreug um 9 oor al present mot zien um euver de Provinsjale wege te sjäöre. Heer is daan ouch tege de klok vaan 6 (!) oor gestop met Vastelaovend viere en is naor hoes gegaange um ziech terdege de preparere op zien pliech en zien verantwoordelikheid. Veer höbbe daor bezunder väöl respek veur wie geer wèt. Enfin, mèt dat wat nog euver waor vaan Pumpele Paors. höbbe veer nog e respektabel fieske gemaak. Bei eus aan de kaar woort hiel driftig gebeld mèt ein of aander groet glaas, stoond eine de gansen tied mèt 'n brojn fles te sjuddele mèt vaan die klein plestik medicein-bekerkes en stoond ouch eine 't verkier te regele oppe Vriethof tegeneuver de Struys. Wat kinne lui toch sjele zèver oethaole mèt zoen daog. Daor waore oonder eus zelfs lui(s) die ziech sjaomde euver jeuk oonder hun pruuk..... Hielemaol neet erg zouw iech zègke, kump in de bèste femilies veur.
Mèr jeh. al mèt al 'nne propere, sjieke en veural gezellige (femilie) Vastelaovend dee eus gegarendeerd in 't geheuge zit. Vendaog zien ouch weer de nudige fotokes gemaak.
Ut is weer um, jaomer mer woer. Ut goood nuits is.......nog mèr 354 daog te goon es g'r dit lees, väöl minder es e jaor dus.
Iech bin gruuts um eine vaan Pumpele Paors te zien, ouch al daon iech 't mieste............................ aon de site, haahahahhaha. Veer zien eus.
Dinsdag 21 fibberwarie 2012
V'r beginne zoe aon de lèste etappe oppe Vriethof. Zaate hermeniekes, gleeske beer daobei en nog gèt lol trappe......en daan weer e jaor (gèt minder huur) wachte op de Vastelaovend 2013.
Iech höb miech vaan mörge nog e bitteke nutteg gemaak en alle filmkes vaan dees daog op de site gezat. En daor zien ech leuke fragmintjes bei. Väöl kiekplezeer en veer zien eus astrein.
Maondag 20 fibberwarie 2012
D'n twieden daag zit d'r op jonges. Ut waor eve wene aon de nui rót, de Roed-Geel-Greune luiper. Wel eve gèt aanders es de Kinderoptoch. V'r goon d'r mèr vaanoet dat ederein liert vaan 't verloup vaan dit nui gebäöre. Veur de gróppe die met väöl kinder zien is 't zeker leuk um zoe podium te bekleddere en gèt veur te drage. Veur eus es Pumpele Paors mesjiens toch gèt minder gesjik.
Mèr wie daan ouch, veer hadde vendaog 'nne geweldigen daag. Gezellig, manjefiek weerke en ouch weer genog bekieks. Ouch vendaog höbbe veer weer gèt foto's gemaak en e paar filmkes. De foto's stoon al op de site.
Vaanmörge eve gekeke naor de oetzending vaan TV Mestreech en mèr metein de film gerip. Geer kint uuch zelf beloere want 't filmke vaan de Groeten Optoch steit noe ouch op de site.
Sommige vaan eus koume erg sjiek en sjoen in beeld.
Zoondag 19 fibberwarie 2012
Um mèr eve te beginne mèt ut weer vaan vendaog, roondoet kloete.......... Die weermènnekes die wete d'r ech hielemaol niks vaan. Mèr daordoor neet minder plezeer. De ganse mörge sjoen weer gehad en zjus veur de start vaan de Groeten Optoch begós 't te snieje, en neet zoe bitsje ouch. Wie v'r eimaol aon 't trèkke waore, waor 't druug en kóste veer eus sjoen pèkskes laote zien aon de lui die oondaanks 't slech weer toch langs de rót stoonde. Väöl Jappe wie eder jaor stoonde al gereid mèt hunne Canon of Minolta um eus vas te lègke.
Umtot veer veurin d'n Optoch zaote waore v'r vreug op eus pläötske oppe Vriethof. Tege haaf drei hadde veer eus keerke geparkierd tegeneuver de Struys. De pleetsjes vaan d'n iersten daag kint geer bekieke via 't menu. De filmkes die ouch gemaak zien, stoon ouch ein dees daog ouch op de site.
Mörge, maondag de 20ste fibberwarie weurt 't sjoen weer mèt e zunneke.
Vriedag 17 fibberwarie 2012
Bekiek uuch de weersverwachtinge ins evekes. In Malaga weurt 't neet zoe sjoen es hei in eus Mestreech.
Goonsdag 15 fibberwarie 2012
Charly en Jacky höbbe zaoterdag 'n inspectie gedoon aon eus keerke. Alles is zoewiet in orde. Mörge weurt de Veendel oetgehaold en gehese.
Beer steit al in de Batterijstraot. 'Bung' heet gezörreg veur de klemme veur 't doorziechteg zeil veur 't geval gèt oet de loch zouw valle. Mèr dat geit neet gebäöre want...........kiek ins naor de weersverwachting veur de zoondag en de maondag.
Dinsdag 14 fibberwarie 2012
Lankzaam mèr zeker kump Vastelaovend naoder. En mèt 't verstrieke vaan de daog kriege v'r ouch mie ziech op 't weer. En wie slech 't ouch oetzaog, wie korter 't op zoondag aof geit, wie sjoener de verwachtinge weure. Lèt op......'t zunneke is ziech aon't opwerme, sjus wie veer ouch. Alles kump good, teminste..........
En laote v'r hope dat alle kraanke in eder geval zoondag zoe wiet herstèlt zien dat ederein present is. Es soms nog eine zien gal wèlt kotse, doeg dat daan vendaog of mörge, biste zoondag fit.
Zoondag 12 fibberwarie 2012
Es de weergelierde geliek kriege, daan kriege v'r 'nne nate Vastelaovend. Mèr v'r höbbe
gelökkeg nog 'n klein week te goon. Laote veer hope dat ut deze week nog geit drejje.
Zaoterdag 11 fibberwarie 2012
Euze nommer in de Groeten Optoch is bekind. Kiek op de 'Nuits' pagina.
Dinsdag 07 fibberwarie 2012
Nui op de website is eus video- en filmarsjief. G'r kint links in 't menu naor 't arsjief.
Zaoterdag 04 fibberwarie 2012
Foi, foi, foi. De weersberiechte make 'nne mins knettergek. Ech kaajd weurt 't neet mèt de
Vastelaovend. Woersjijnelek wel naat.....Mèr jeh, veer höbbe nog 2 weke en......Slivvenier. Dus....
Goonsdag 02 fibberwarie 2012
Vaanaof vendaog tot aon de Vastelaovend ederen daag 't weerberiech tege 8 oor 's aovends.
Zoondag 22 jannewarie 2012
Heer geit us veur es Stadsprins Han I. Bekiek de nuits-pagina.
Couplèt:
Bij us in de gooj kamer is 't einen oonderein
pekskes, pruke, alles ligk doorein
de dikke zjiem steit neve d'n tv
confetti vinste zelfs op de plee
Op d'n dressoir steit in de stöb gesjreve:
Wat e gelök um hei te mage leve..!!
Refrein:
Vendaog höb ich geinen tied
um te pótse, um te koke, veur de striek
want noe is 't weer zoe wied
um te springe veur de ketelemeziek
Vendaog höb iech miech belaof
-en dat nump miech geine aof-
tot es 't asselegoonsdag is
iech vaan dee Vastelaovend gaar niks höb gemis..........
Couplèt:
't Huteke vaan ama kump ouch noe weer good vaan pas
en vaan ampa is dee slippejas
Die sjoen kalbas waor vreuger vaan tant Nie
deen hoege zije vaan miene noonk Pie
Vaan keends aof aon is 't us mètgegeve:
Wat e gelök um hei te mage leve..!!
Refrein:
Vendaog höb ich geinen tied
um te pótse, um te koke, veur de striek
want noe is 't weer zoe wied
um te springe veur de ketelemeziek
Vendaog höb iech miech belaof
-en dat nump miech geine aof-
tot es 't asselegoonsdag is
iech vaan dee Vastelaovend gaar niks höb gemis..........(2x)
Wèlt geer de Groeten Optoch nog ins mètloupe daan zèt uuch de filmkes mer op.
Bijnao 'n haaf oor laank, 2 filmkes, vaan Pumpele Paors op zoondag in de Groeten Optoch staon noe on-line.
Jeh, en daan zien dao af en touw ouch nog gèt speciaol mominte dieste neet zoe mer veurbij mós laote goon. Daoveur höbste jummers e fototouwstèl.
Iech höb twie vaan die mominte vas wete te lègke......
Alleriers Lydia en Pascal vaan harte perfisia mèt eure verjaordaag !!
Vendaog weer nui foto's on-line gezat. Mèt naome die Ton gemaak heet zien hiel sjoen gewoorde.
Väöl kiekplezeer.
Euvereges, aon de filmkes weurt nog hel gewèrrek. Eve gedöld nog.
Jonges 't is um. Vendaog assele goonsdag alweer. Iech num aon dat oondertösse ederein e assekruus heet gehaold en ouch al begós is aon d'n tied vaan vaste en bezinning.
Mer wat höbbe veer toch weer 'n sjoen daog gehad. Jaomer dat ze um zien. Vaan d'n andere kant, este de callepin höbs naogeloerd, daan höbste gezeen dat 't nog mer 346 daog doort veurtot de Vastelaovend 2012 weurt ingesjote. 't Geit dus gaw en doort gei jaor mie.
Iech höb gei idee wieväöl kier veer zien vasgelag op de geveulege plaat. Dao raakste op e gegeve momint wel aon geweend.
Twie lui, Maria Dresens en den hier Louis Ouwerkerk höbbe eus de gemaakde foto's en e filmke oondertösse touwgesjik. Geer kint ze bekieke via 't menu bove aon de pagina.
Alletwie bezunder geapprécieert !!
Dees daog de website eve in de gate hawwe umtot iech nog neet alle foto's en filmkes höb gekrege.
Vendaog beginne veer aon de lèste etap. Zoondag en maondag twie geweldige daog gehad.
't Weer waor fantastisch, de stumming gruuts, allein, en 't moot toch eve gezag weure, zoondag waos de cortège ' nne ramp. Mie es 4 oor euver 'nne kilometer of 3 doen, is netuurlek te gek.
Este daan 's-aovends nao d'n tillevisie loers en de zuugs wie lang sommege zoe nudeg e stökske mote veurdrage (penantie-sjete, puzzleke make etc.), of veurkroepe, daan is 't neet mie leuk veur alle gróppe die nog mote vertrekke. Ore vertraging waos 't gevolg.
Allewel veer hiel good begriepe dat ederein ziech aon de Hoegen Hoeglöstigheid op zien bès wèlt prizzentere, is dit e groet mankemint in de organisatie boeveur de Tempeleers verantwoordelek zien.
Sorrie hiere, mer dao zalt geer gèt aon mote doen koumend jaor. Väöl lui zal op dees meneer de zin vergoon, en mesjiens wel aofhaoke. Dingk ouch aon al de gróppe mèt klein keender.
't Is neet aon te toene, mer veurig jaor waos 't slech weer, en toch väöl mie lui langs de rót es dit jaor op maondag bij de Kinder-cortège. Wie zow dat koume???
Veer weten 't neet, mer toch......In eder geval gèt um ins good te euverdinke.
In de Groete Staat, boe 't vreuger zwart vaan de lui waor, waore dit ein vaan de wienege kiekers.
Gèt mie dirizjere op 't Vriethof zouw al 'nnen hielen houp sjele.'t Dirizjere woort wel good gedaon bij de lèste gróppe, want die móste hiel gaw doorloupe. Jaomer, jaomer.
Veer goon d'r vaanoet dat 't uuch ouch is opgevalle en dat geer dao gèt mèt daot.
Zaoterdag 05 miert 2011
Alles en ederein is wel zoe bitteke veerdig veur d'n aoftrap mörge. Iech zaog vendaog nog d'n ein en d'n aandere nog de lèste hand lègke aon e pèkske.
De Veendel ligk ouch klaor veur gebruuk.
De graasj bij ma Collijn heet tot noe touw häör netuurleke kwalliteit weer beweze. D'n draank is good kaajt.
't Weerberiech weurt vaanaof noe neet mie bijgewèrk. Dee hei bove heet 't weer good veur mèt de Vastelaovendvierders, 't weurt e fantastisch weerke. 't einsegste wat geit valle is serpenties. Mèr dat kinne v'r höbbe.
Noe höb iech vemiddag zitte loere nao de machseuverdrag aon de Tempeleers.
Iech weit neet wie aandere 't höbbe oontvaange, mer 't is tot iech euze Prins en zien Tempeleers zaog en tot iech euze einsegste meisterleke Jan Janssen hoort.
Eve had iech 't geveul dat eus ein of aandere soap mèt tillevisie bekinde woort veurgesjotelt. Volges miech waor haaf tillevisie land in eus Stadhoes. Netuurlek mote veer es Mestreechtenere begriepe dat 'nnen Hollènder neet in 3 maond Mestreechs kin spreke, mer mèt alle respek, dit kin ech neet. Toeke huurt op ze Mestreechs te zien. Veur 't ierste optrejje vaan euze Börger, nou jeh, 'n vijf.
De sleuteleuverdrach is e Mestreechs erfgood en maag noets verweure tot 'n Hollands gebäöre mèt aoventouw e paar Mestreechse klaanke. Dat noets ezzebleef.
De allergroetste surpries of beter gezag teleurstèlling kaom evels vaan Jan Janssen zelf. Heer hèlt 't nao 14 jaor veur gezeen es sirremoniemeister vaan de Tempeleers.
Ouch begriepelek mer verdomp jaomer. Väöl succes gewins veur zienen opvolger. Dee krijg de han vol um dat te etalere wat Janssen eus al die jaore heet gebrach. Mer dao höbbe veer alle fiducie in.
Vendaog waos 't aanders es aander jaore. Euver 350 daog weite veer wie de nuie sirremoniemeister 't toeke is aofgegaange.
Mörge geit 't gebäöre, twie oor in Wyck, nommer 27A, veur vief oor binne, aanders koume v'r neet op d'n tillevisie.
Vriedag 04 miert 2011
Gistere, 3 miert waore veer manne bij de Vastelaoftrap in Kölle.
Laot iech beginne mèt te zègke dat veer eus köstelek vermaak höbbe. Jummers, Jack waor hoofsponsor en Truus bij-sponsor. En este niks hoofs te betaole én de höbs 'nne gooje BoB aon 't stuur, daan höbste gegarrandeert plezeer.
Veer höbben't vaan kort bij dus mètgemaak.
Veer waore eus euver ein dingk nao aofloup eins. Kölle is Kölle, Mestreech is Mestreech, mèr Kölle is bij lange nao gei Mestreech.
Mesjiens hadde veer verkierde verwachtinge, veer hadde d'r al zoe väöl euver gehuurd.
En este daan zoene gansen daag dao rond höbs geloupe, door de aw binnestad, langs de Rien, veer koste euver de köp loupe, daan biste diech bewus vaan de versjèlle met de Mestreechter Vastelaovend.
Meziek huurt bij Vastelaovend en die waor dao neet....geinen ambiance dus. Dee höbbe veer zelf gemaak.
Al mèt al 'nnen hiele gezèllegen daag, weitend dat de sjoenste én gezèllegste daog nog koume.
Jack perfisia, bedaank en koumend jaor mesjiens naor....?!?!
Dinsdag 01 miert 2011
Mesjiens wèt 't geine mèr vendaog is 't meteorologisch veurjaor begós.
Veer leve 1 miert, nóg dik veer daog te goon, en kiek daan ins eve nao de weersveurspelling veur de koumende daog.
Vaanaof de 11e vaan de 11e is ederein mèt niks aanders bezig es mèt 't weer. Wie zouw 't weer zien mèt de Vaste Laovend. Es 't mèr druug is. En gaank zoe mèr door.
Wijl iech al weke geleie gezag höb tot niemes ziech zörreg hoof te make.
Twie jaor achterein snie en/of rege mèt de Vastelaovend besteit neet.
En wee krijg (weer) geliek? Zjustemint....Is dat alvas eve gezag.
Iech dink zelfs tot veer donderdag, es veer, manslui, in Kölle al veurziechteg goon veurpreuve, de zonnebrandcrême ech hel nudeg goon höbbe.
Mèt e bitteke gelök kinne veer daan de drei daog in Mestreech nog heerlek nao-zomere.
Want ouch in Mestreech zal 't zunneke riekelek sjeine mèt de Vaste Laovend.
Vaste Laovend weurt in vöäl opziechte bezunder. Eus elf jaoreg zjubilei, euze nuie veendel, de nui pekskes vaan 't gevöchelte vaan Den en Ramoon, en weer 'nne neet-sjeng oonder eus (dee geit get mèt make) dee veer goon bekiere....en nog vöäl mie.
Ins in de elf jaor deent ziech e werm veurjaor aon. In 2000, perceis elf jaor geleije, waor Vaste Laovend op zoondag 5 miert. Veer daog daoveur had 't lang en hel geregent. Vaste Laovend waor druug. Op drei nao 't wermste jaor in 300 jaor bleek later.
Noe, elf jaor later, weurt 't weer sjoen weer. Lèt op, 't weurt supersjoen.
Zaoterdag 26 fibberwari 2011
Jonges 't weurt zweite mèt de Vaste Laovend. Veural op aonstaonde donderdag. Vergeet de zonnebrèl neet want dee goon veer dus ech nudeg höbbe.
Vendaog is 'n lèste control gewees aon de Kaar. Goodgekeurd en gelaojt met alderlei draank.
De
lempkes en meziek doen 't.
Links en rechs nog gèt bijgesjèldert.
Veur de Veendel is 'nne standaard aon de Kaar gemaak.
De ierste twie veetjes stoon tap-klaor.
Veer zien d'r gans klaor veur.
D'n oonderhaajdsploog
Goonsdag 23 fibberwari 2011
Zoondag 6 miert, hartstikke druug (in de loch), bitteke wind en kaajt. 't Weurt weer good weer.
Zien trouwens al aofspraoke gemaak euver de reseptie vaan die die ederein heet oetgenudig um e pèlske te koume peke (op häör koste) op maondag 7 miert nao de Kinderoptoch ?
Is gezörreg veur 'nnen tapper en bedening.
Iech vraog dit mèr eve in verband met de meugeleke allegatie dee geit ontstoon, umtot die veureg jaor bij Lena in de Kaffee 'nnen oproop deveur gedoon heet.
En heet dee vaan die genóg knabbe gespaort um de koste vaan de reseptie te dèkke?
Iech num aon tot veer (de res vaan Pumpele Paors) us gein zörreg hove te make euver meugeleke extra oetgaove want 't is al deur genóg veur us.
Maondag 21 fibberwari 2011
Vaanaof vendaog daogeleks nui weerberiech.
Wat veur e Vastelaovend weer kinne veer verwachte volges de gelierde.
Bekiek 't lèste nui weerberiech door op 't zunneke te klikke.
Zoondag 06 fibberwari 2011
Nuie Stadsprins bekind....
Maurice I Stadsprins 2011
Hei is er daan, de maan dee eus de zwoer daog veurgeit mét de Vastelaovend.
Dinsdag 25 jannewari 2011
Nuike....
Oonderstaond e-mailke krege veer vendaog vaan de PR-kemissie vaan de Tempeleers.
Bèste hier Ruijters,
Veer höbbe eur sjoen website gelink in ’t Linkbook oonder alderlei in ’t Mestreechs en ‘t Hollands.
Aofgeloupe zaoterdag heet Charlie d'n trek-ezel ins good oonder han genome. Oondertösse is d'n trek-ezel bekans klaor um ech te weure oetgeperbeerd. Koumende week kin mesjiens al d'n tummerploog aon de geng
Zaoterdag 15 jannewari 2011
Proofrit vaan Jack:
De ierste proofrit .....
Zaoterdag de 15e jannewari waor 't zoe wiet.
Mèt euzen dreie naor de wèrkplaots um euzen trek-ezel ins good oonder han te numme.
Edere kier es get gedoon weurt, lègke veer dat vas, zoetot ederein kin zien wie 't avvenceert.
Dus, aoventouw hei kieke (klik op 't fotoke)
Me mèrk 't aon alles dees daog, veer beginne werm te drejje. Vastelaovend begint met de daog mie en mie te leve. D'n eine is druk bezeg met euze veendel. Links en rechs weure de nejkiskes al weer gebruuk um de pekskes te ripperere.
Wiet weg örges in 'n aofgelege wèrkplaots
weurt in 't geheim gepoejakkert aon euze nuie trèk-ezel.
Veer rake op toere zoe gezag. Nog 4 x 11 en e paar daog te goon.
Bin benuid wienie 't jaorleks geawhoor euver de weersverwachting geit beginne.
Iech kin ederein gerösstèlle: begin miert weurt 't werm.
Höbbe v'r dat alvas gehad, meh iech haw uuch op de huugte.
Vendaog stoont e hiel aordeg beriechske in 't gastebook. Gesjreve door 'De groete Oonbekinde'.
Jaomer dat veer noe neet wete wee dee aonbeier vaan euze femilie-gróp is.
Veer wete dat oondertusse hiel väöl Mestreechtenere us kinne.
Veer stoon allemaol te trampele um us te prizzentere, veur d'n elfde kier, aon 't volk vaan Mestreech.
En jao, de Ruijterkes die löste d'r wel pap vaan, meh goej de res met 'nne aandere naom ezzebleef neet weg. Die kinne daor ouch gèt vaan huur.
En jao, veer höbbe dinkelek mèt aofstand de sjoenste website in de cattegorie Vastelaovend.
Daank veur de compliminte. Sjiek. Meh es trouwe lezer vaan euze website maags diech eigelek bès laote wete wee achter 'De Groete Oonbekinde'
sjuil geit.
Donderdag 13 jannewari 2011
Ker zeet: De veendel is oonderweeg. D'n 21 jannewari is er klaor.
Zoondag 9 jannewari 2011
2011 Besteit Pumpele Paors 1 x 11 jaor.....
2011 is 't ierste Zjubilei jaor vaan Pumpele Paors. Aon e paar vaan eus gevraog wat Pumpele Paors veur hun beteikent. Ederein dee nog gèt dao euver kwiet wèlt, moot dat mer eve laote wete (e-mailke sjikke).
Vaan drei vaan eus hei oonder hun meining.
Ton zeet: Pumpele Paors veur miech.....
Wat is/beteikent veur miech Pumpele Paors:
Gèt boe iech gruuts op bin, boe iech gere euver vertèl met lui die us wel of nog neet kinne.
Optied dao mèt bezig zien of alles wel gereid is, bin iech nog paors genóg of moot weer ins get vervaange weure?
't hèlt miech bezig zoe vaanaof d’n 11 vaan de 11.
Miech verhäöge op de cortège en daan genete vaan de lui die vaan us genete umtot veer zoe sjiek zien. Uniek zien, want iech moot uiteraard wel vertèlle tege die lui tot veer allemaol femelie zien en gein boetestäönders debij höbbe.
't femeliegeveul is in deen tied 't sterks en hoop dat veer dat bij de volgende lustrum nog ummertouw höbbe.
Dat is veur miech PUMPELE PAORS
Jack zeet: Pumpele Paors veur miech.....
Veur miech beteikent Pumpele Paors drei daog väöl plezeer met de femilie höbbe. Iech bin daan ouch eder jaor weer blij dat iech ‘t op 't werk geregeld krijg um toch weer mèt te goon. Es mede opriechter dink iech nog dèks trök aon deen tied wie 't allemaol begonne is.
Bij pap toes stoont ‘n Gamma kaar. Die höbbe veer toen umgebouwd naor ‘n carnevalskaar umtot veer toch Carneval wouwe viere en ‘t mèt de koste zoe ouch nog mèt veel. San kaom op ‘t idee um allemaol dezelfde pekskes te goon nejje en aon te doen. Zoe kaom ouch de naom Pumpele Paors tot stand.
Mèt die kaar op hel bendjes zien veer toen vertrokke de stad in. Bij eder köjlke stoonte veer stèl mèt die wielkes. Dus ‘t jaor drop ginge veer kieke veur ‘n kaar mèt lochbendjes. Dus kaom de bolderkaar op de proppe. Vaanalles nui daorum heen gebouwd en ouch 2 tot 3 jaor mèt weggegaange totdat die kaar ’t begaof. Toen kaom de huidige kaar wat nog altied geweldig is.
En eve geweldig is ‘t nog altied dat de ganse femilie inclusief neefkes en nisjekes toch nog altied vaan de partij zien zoetot ‘t nog altied ‘ne sjoene groete gróp is.
Ouch is ‘t good dat veer veuroet kieke en gemotoriseerd de Optoch in goon. Veer weure toch allemaol gèt awwer en zoe kinne veer nog jaorelaank mèt goon. Dat hoop iech teminste.
Dus veur miech is ‘t Pumpele Paors gebäöre toch ouch wel de verantwoordelijkheid veur de kaar.
San zeet: Pumpele Paors veur miech.....
Zègk; PUMPELE PAORS en jao dat is Vastelaovend veur miech.
’t Zit ’n gans jaor in miech verborge en daan…kump ’t opins teveursjijn. Drei daog laank haolt de Vastelaovend ’t sjoene bei de mins naor bove, mèr zeker bij miech. Iech maak e sjoen pèkske, vaan mien snuutske e prachteg snoetswerk.
’t Is e geveul… de Mestreechter Geis straolt. Same es femiliegrop, alweer 11 jaor, in de Optochte…tjeh iech mot zègke veer sere euze Mestreechter Vastelaovend. Dao getuige ouch al die geziechter langs de optoch vaan.
Rech oet de Pumpele Paors-er ziel: MESTREECH is ei groet fies.
Vaanaof 2000 zien veer ’n bron vaan inspiratie, Pumpele Paors zoe mot ’t blieve, zoe mot ’t zien.
Punekes vaan San,
Pumpele Paorser in hart en neere
Zoondag 12 december 2010
De käös is gemaak.....
70% vaan de stumme geit naor Veendel 2
Dit weurt 'm dus:
Ker regelt 't wijer mèt d'n drukker.
Zaoterdag 27 november 2010
Käös make veur euze Veendel
Laot eve wete welke veendel 't weurt. Kerwin geit koumende week de veendel bestèlle. Iech höb 't logo boe veur gekoze is, euvernuits geteikent es strakke veendel. En umtot daor nog al gèt versjillende kleure paors zien leek 't miech good dat nog snel aon te geve.
Heioonder op de veendelkes klikke um die in 't groet te bekieke. Sjrief eve in 't gastebook welke kleurcombinatie 't moot weure.
Veendel 1 Veendel 2 Veendel 3 Veendel 4 Veendel 5
Dinsdag 09 november 2010
Mestreechter Vastelaovendsleedsje 2011
De leefs mer eine kier!
...en zinge mer
Refrein:
Goej uuch mer de door, en loer neet op 'n oor
Want de leefs mer eine kier!
Dink noe neet allein, aon zörg en chagrijn
Wanr de leefs mer eine kier!
Want straks es 't gedoon is is 't euver en oet
Daan vèlt niks mie te speule op die trommel of die toet
Goej uuch mer de door, en loer neet op 'n oor
Want de leefs mer eine kier!
Couplèt:
Al biste nog zoe riek, al höbs ste cent wie water
Al biste nog zoe sjoen, daan wach mer 'ns tot later!
Al biste 't good geweend, bis diech e zoondagskeend
Kom bij miech in de lier, want de leefs mer eine kier!
Zoondag 24 oktober 2010
Wat, wienie en boe....? Alvas eve opsjrieve in eure callapin
• Zoondag 7 november 2010 Verkezing vastelaovendsleedsje 2011 in de Maastricht Music Hall (veurmaolege Platte Zaol) aon de Green, um 14.11 oor.
• Donderdag 11 november 2010
Opening sezoen op de Vriethof, um 11.11 oor.
• Zoondag 6 fibberwarie 2011 Oetrope Prins Carnaval 2011 op de Merret roond 15.11 oor.
• Donderdag 3 miert 2011
Weiberfastnacht(bekiek de site via de foto)
An Weiberfastnacht (auf Kölsch: Wieverfastelovend) - der in dieser Session auf Donnerstag, den 3. März 2011 fällt - wird traditionell der Straßenkarneval eröffnet. Dazu findet auf dem Alter Markt eine große Freiluftsitzung statt, die schon morgens um 10:00 Uhr mit kölscher Musik beginnt.
Um elf Uhr zeigt sich das Dreigestirn dem närrischen Volk und Oberbürgermeister Jürgen Roters übergibt für die tollen Tage die Schlüssel der Stadt. Ab 11:11 Uhr wird dann in der Stadt bis in die Nacht hinein auf den Straßen und in den Kneipen gefeiert.
Um 13 Uhr wird traditionell am Severinstor das Historienspiel "Jan und Griet" aufgeführt, in dessen Anschluss ein Umzug durch die Stadt bis zum Denkmal "Jan von Werth" am Altermarkt stattfindet.
• Zaoterdag 5 miert 2011 Inhole Prins Carnaval
Fiesteleke oontvangs op de statie vaan Mestreech um 13.11 oor
Cortège nao ‘t Stadhoes op de Merret um 13.55 oor
Machseuverdrach in ‘t Stadhoes um 15.11 oor
Reseptie in de Redót vaan Prins Carnaval um 20.11 oor.
Jackie gief e rundsje, Jackie gief e rundsje, Jackie gief nog e rundsje.....
• Zoondag 6 miert 2011 Prizzentatie Kachelpiepers en oethaange vaan de veendel aon ‘t Prinselek Pelies um 10.33 oor.
Insjete vastelaovend en optrèkke vaan ‘t Mooswief op de Vriethof um 12.11 oor.
Groete vastelaovendsoptoch door Wiek en Mestreech um 13.33 oor.
Cramignon vaanaof de Merret om 20.33 oor.
• Maondag 7 miert 2011 Femilie-optoch door Wiek en Mestreech um 14.11 oor.
Metein nao de optoch kump gans Mestreech ein vaan eus filicitere!!!!
Cramignon vaanaof de Merret om 20.33 oor. • Dinsdag 8 miert 2011 Zate Hermeniekes-concours op ’t Vriethof um 14.11 oor
Kinderkestuumwedstrijd in de Sterzaol in de Breistraot um 14.33 oor
Cramignon vaanaof de Merret om 20.33 oor
‘t Mooswief kump nao oonder, ind vaan de vastelaovend 2011 um 23.55 oor.
Maondag 04 oktober 2010
Bij sommege vaan us begint 't lankzaam te jeuke. Die kinne gewoen neet wachte tot 't sezoen vaan start geit. Dat zien noe zjus de lui die de kaar trèkke.
Dat wèlt zègke, dat zien noe zjus de lui die neet mie de kaar wèlle trèkke.
Pak noe dat zwaoger vaan us, dee vaan d'n Trappendaal (es de veur de oprit steis aon de rechterkant) dao höbste gèt aon. Dee zit neet stèllekes te wachte tot de volgende vergadering, boe toch weer 'nnen houp gemojld weurt.
Nein, dee maan dee handelt, loert veuroet. En iech zal ’t uuch mer metein vertèlle wat iech daovaan dink. En iech zègk dat met 'n poortie respec, meh 't is 'nnen oetgeslaope, jonges!! Dee wèlt neet mie die kaar van us trèkke of duie, nein, nein.
Dee heet evels ein dink veur ouge, en dat is De Veendel vaan Pumpele Paors.
Dus vaan trèkke of duie wèlt heer niks mie hure. Heer heet alvas e veursjoot genome en zuut 't gans zitte, us kaar weurt getrokke, neet door häöm of door us meh door 'nne aongepaste graasmejjer.
Heer heet 't dink al effekes oetgeperbeerd, kiek zelf meh. Wat e menneke hé!
Jack gespot door papparaza 'Esmee Polet'
Vriedag 13 augustus 2010
Es 't good is, daan is ederein koumende week weer trök in 't land.
In euverlègk is beslote dat veer zaoterdag 21 augustus vaan 2 tot 4 bijein koume um veuroet te kieke naor 't nui sezoen.
Giel heet zien hoes veur us gerizzerveerd, dus dao bijein koume um 2 oor.
Nui op de site is 't Kontak Formuleer. In 't menu trök te vinde en naotuurlik ouch te gebruke veur gaste vaan euze site.
Vriedag 2 juli 2010
Bloodheit vendaog miljaar. Eigelek gei weer um aon Vastelaovend te dinke.
Meh jeh, 1 juli is al weer veurbij, en veer mote nog snel bijein koume.
De koumende week gaon iech zelf meh ederein belle, waant aanders is astrein ederein met vekantie en höbbe veer nog niks besproke.
Ut zuut daor nao oet dat logo 5 eus nui logo geit weure.
Iech bel uuch.
Neet op dinsdag, want daan, daan geit ut gebäöre. De weeg naor de finale is nog meh ein straot laank.
Zoondag 6 juni 2010
Geweldig al die leuke reacties op euze nuie saajt. En jao huur, Mestreechs sjrieve blijf ein kuns. Zeet geer foute, daan evekes ein beriechske, waant ut moot wel good gesjreve zien. Dat maak de saajt nog väöl leuker en intrèssanter veur de lui die hei koume kieke.
Zaoterdag 5 juni 2010
Vaandaog, supersjoenen daag.
Hei is er daan. Daorum waor ut eve stèl op de saajt vaan RayyaR.
Vaandaog zuut PUMPELE PAORS ut digitaole daagleeg.
Es geer dit lees is de nuije websaajt vaan eus in de loch.
Nao vaandaog is ederein un ervaring 'rieker'. Bitteke cryptisch,
mer wel hiel dudelik, hahahahahaha.
Veer mote nog 'nnen datum prikke veur 'n bespreking in de ierste
hèlf vaan juni.
Giel, d'n opa vaan de döchterkes vaan ut euverbuurmeidske vaan de mam vaan Esmée häör
zusterke Carmen, geit ederein vraoge wienie dat ut bèste oetkump
de
volgende week.
Keerke, logo, veendel, wee deit wat..en wee regelt d'n draank veur
oonder
de bespreking?
Proofrit vaan Jack:
Ray zeet:
Profiel Bewerken
Ker zeet: De veendel is oonderweeg. D'n 21 jannewari is er klaor.
Ton zeet: 
Jack zeet: 
San zeet: 
Ker regelt 't wijer mèt d'n drukker.
